tag:blogger.com,1999:blog-61855319600182614742012-02-03T04:09:32.323-08:00Blog.mammootty.com | The Official Blog of Mammoottyമമ്മൂട്ടി :: Mammoottyhttp://www.blogger.com/profile/10547924645613182695noreply@blogger.comBlogger61100tag:blogger.com,1999:blog-6185531960018261474.post-4842715925491320302011-02-24T21:16:00.000-08:002011-02-24T21:17:08.349-08:00പ്രിയപ്പെട്ടവരേ...ഈശ്വരാധീനമൊന്നു കൊണ്ടു മാത്രം നിങ്ങളുടെ പ്രിയപ്പെട്ട മമ്മൂട്ടിയാകാന് കഴിഞ്ഞ ഒരു സാധാരണ മനുഷ്യനാണ് ഞാന്. വാനോളം പുകഴ്ത്തുന്ന വാക്കുകള് നല്കുെന്ന സന്തോഷത്തെക്കാള് ജീവിതത്തില് എത്ര നിസ്സഹായരാണ് നമ്മള് എന്ന തിരിച്ചറിവിന്റെ വേദനയില് നിന്നുണ്ടായ ഒരു അപേക്ഷയുമായി, ഒരു സഹായഭ്യര്ഥണനയുമായാണ് ഞാന് നിങ്ങളുടെ മുന്നില് നില്ക്കു ന്നത്. ഓരോ ദിവസവും ദൈവത്തിനു നന്ദി പറയാന് ഒരായിരം കാരണങ്ങളുള്ള നമ്മള്, വേദനയുടെ തീച്ചുളയില് ഉരുകുന്ന അനേകം ആളുകളുടെ കണ്ണീരില് കുതിര്ന്നാ പ്രാര്ഥ്നകള്ക്കു ള്ള മറുപടി തേടുമ്പോഴാണ് നമ്മുടെ നന്ദിപ്രകടനങ്ങള് അര്ഥീവത്താകുന്നത് എന്നു ഞാന് വിശ്വസിക്കുന്നു. <br /><br />സമൂഹത്തോട് നമുക്കുള്ള പ്രതിബദ്ധത സമൂഹം നമുക്കു നല്കിവയിട്ടുള്ള എല്ലാ നന്മകള്ക്കു മുള്ള കടപ്പാട് കൂടിയാവണം. അത്തരമൊരു ആലോചനയില് നിന്നുണ്ടായ സംരംഭമാണ് കെയര് ആന്ഡ്ു ഷെയര് ഇന്റര്നാഷണല് ഫൗണ്ടേഷന്. വിദ്യാഭ്യാസത്തിലൂടെയും ആരോഗ്യപരിപാലനത്തിലൂടെയും സാമൂഹികക്ഷേമത്തിലൂടെയും സമൂഹത്തിലെ അസന്തുലിതാവസ്ഥകളെ അതിജീവിക്കുക എന്ന സ്വപ്നം തന്നെയാണ് കെയര് ആന്ഡ് ഷെയറിനു രൂപം നല്കാന് എന്നെ പ്രേരിപ്പിച്ചത്. സമൂഹനന്മയ്ക്കായി പ്രവര്തി് കക്കാനാഗ്രഹിക്കുന്ന നിങ്ങളെപ്പോലുള്ള സുമനസ്സുകളുടെ കൂട്ടായ്മയാണ് കെയര് ആന്ഡ് ഷെയര്. <br /><br />ഒറ്റ ദിവസം കൊണ്ട് സമൂഹത്തിലെ ദുരിതങ്ങള് തുടച്ചു നീക്കാമെന്ന വ്യാമോഹം കെയര് ആന്ഡ് ഷെയറിനില്ല. എന്നാല്, കുട്ടികളുടെ കാര്യത്തില് നമുക്കത് ആവണം. നാളത്തെ ഇന്ത്യയെ നയിക്കാനും നിര്ണനയിക്കാനും കരുത്തുള്ള നമ്മുടെ കുട്ടികളിലൊരാളും നമുക്കു നഷ്ടപ്പെട്ടരുത് എന്ന ആഗ്രഹവും പ്രാര്ഥലനയുമാണ് എനിക്കുള്ളത്. ഊര്ജൊസ്വലമായ ഒരു ഭാവിയിലേക്ക് കാലെടുത്തുവയ്ക്കാന് വിധി അവര്ക്കു തീര്ത്തി രിക്കുന്ന തടസ്സങ്ങള് നീക്കാന് അതേ വിധിയുടെ ചങ്ങലയില് ബന്ധിതരായ നമുക്ക് കടമയുണ്ട്. <br /><br />ഏതാനും നാളുകളായി കെയര് ആന്ഡ് ഷെയര് ശ്രദ്ധ നല്കി യിരിക്കുന്നത് കുട്ടികളിലെ ഹൃദയശസ്ത്രക്രിയ ഏറ്റെടുത്തു നടത്തുന്നതിനാണ്. 2008ല് നടന്ന ഒരു പഠനം അനുസരിച്ച് ഏകദേശം 30,000 കുട്ടികള് ഹൃദയശസ്ത്രക്രിയ കാത്ത് കേരളത്തിലെ ആശുപത്രികളില് കഴിയുന്നുണ്ട്. വര്ണദപ്പകിട്ടുള്ള സ്വപ്നങ്ങള് കൊണ്ടു കൊട്ടാരം പണിയുന്ന കുരുന്നുഹൃദയങ്ങള് പരാധീനതയുടെ ദൗര്ഭാഗ്യമൊന്നുകൊണ്ടു മാത്രം നമുക്കു നഷ്ടമാവരുത്. ഒരു ലക്ഷം രൂപയോളം ചെലവു വരുമെന്നതിനാല് ശസ്ത്രക്രിയ മാറ്റിവച്ച് കുഞ്ഞിനെ വിധിയ്ക്കു വിട്ടുകൊടുക്കേണ്ടി വരുന്ന കുടുംബങ്ങള് അനേകമാണ്. വിധി അവരെ നമുക്കു വിട്ടുതന്നിരിക്കുന്നു, ഒരു സഹായഹസ്തം നല്കിക്കൂടെ ?<br /><br />ഹൃദയസ്പര്ശം പദ്ധതിയിലൂടെ കെയര് ആന്ഡ് ഷെയര് കുട്ടികള്ക്ക് സൗജന്യമായി ഹൃദയശസ്ത്രക്രിയ നടത്തിവരികയാണ്. ചുരുങ്ങിയ കാലം കൊണ്ട് അനേകം കുടുംബങ്ങളില് വെളിച്ചം പകരാന് കഴിഞ്ഞു എന്ന നിര്വൃനതി തന്നെയാണ് കെയര് ആന്ഡ് ഷെയറിന്റെ മൂലധനം. ഏതാണ്ട് 3000 അപേക്ഷകളാണ് കെയര് ആന്ഡ്ൃ ഷെയര് ഓഫിസില് മാത്രം കാരുണ്യം കാത്തു കിടക്കുന്നത്. എല്ലാവര്ക്കും എത്രയും വേഗം ശസ്ത്രക്രിയ നടത്തണമെന്നാണ് കെയര് ആന്ഡ് ഷെയറിന്റെ ആഗ്രഹം. എന്നാല് അതിനു വേണ്ടി വരുന്നത് അനേകം കോടി രൂപയും. <br /><br />ഹൃദയസ്പര്ശംര പദ്ധതിയില് പങ്കാളിയാകുന്നതിലൂടെ ഒരു കുട്ടിയുടെ ജീവിതവും ഒരു കുടുംബത്തിന്റെ അനുഗ്രഹങ്ങളുമാണ് നിങ്ങള് ഏറ്റെടുക്കുന്നത്. മഹത്തായ ഈ ഉദ്യമത്തില് പങ്കുചേര്ന്നു കൊണ്ട് ഈ കുട്ടികള്ക്ക് പ്രകാശമാനമായ ഒരു ജീവിതത്തിലേക്കു വഴിതെളിക്കാന് നിങ്ങളുടെ കാരുണ്യം ഞാനപേക്ഷിക്കുന്നു. ഒരു കുട്ടിയുടെ ഹൃയശസ്ത്രക്രിയ സ്പോണ്സ ര് ചെയ്യുമ്പോള് നിങ്ങള് അവനു നല്കുകന്നത് കുറച്ചു പണമോ അല്പംയ കാരുണ്യമോ അല്ല, അവന്റെ ജീവിതമാണ്. <br /><br />ഹൃദയസ്പര്ശത്തിലൂടെ ഈ മഹത്തായ ജീവകാരുണ്യസംരംഭത്തില് പങ്കുചേരാന് സന്മനസ്സുണ്ടെങ്കില് കെയര് ആന്ഡ് ഷെയര് ഇന്റര്നാഷണല് ഫെഡറേഷന് മാനേജിങ് ഡയറക്ടറ് ഫാ.തോമസ് കുര്യനുമായി ബന്ധപ്പെടുക. ബന്ധപ്പെടേണ്ട ഫോണ് നമ്പര് 9496461821,0484 3103533, ഇമെയില്-info@careandshare.in.<br /><br />കൃതജ്ഞതയോടെ,<br />നിങ്ങളുടെ മമ്മൂട്ടി.<div class="blogger-post-footer"><img width='1' height='1' src='https://blogger.googleusercontent.com/tracker/6185531960018261474-484271592549132030?l=blog.mammootty.com' alt='' /></div>മമ്മൂട്ടി :: Mammoottyhttp://www.blogger.com/profile/10547924645613182695noreply@blogger.com44tag:blogger.com,1999:blog-6185531960018261474.post-8719932560036250322009-11-29T11:55:00.000-08:002009-11-29T11:55:20.672-08:00അനുഭവങ്ങളുടെ പഴശ്ശിഒരു നടനെന്ന നിലയില് കഥാപാത്രമായി മാറുക എന്നത് സുപ്രധാനവും സങ്കീര്ണവുമായ പ്രക്രിയയാണ്. കഥാപാത്രം ആരാണ് എന്താണ് എന്നതിനെ ആശ്രയിച്ച് ഒരു വ്യക്തിത്വവും ശൈലിയും സംസ്കാരവും ഒക്കെ സ്വീകരിക്കേണ്ടതുണ്ട്. എന്നാല്, ഒരു കഥാപാത്രം തിരക്കഥാകൃത്തിന്റെ പാത്രസൃഷ്ടിയുടെ വൈദഗ്ധ്യങ്ങള്ക്കു മേലേ ഒരു വ്യക്തിത്വവും ചരിത്രവും ജീവിതവും ഒക്കെയുള്ള ആളാകുമ്പോള് ആ കഥാപാത്രമായി മാറുക എന്നത് അത്ര എളുപ്പമല്ല. കഥാപാത്രം അവതരിപ്പിക്കുകയല്ല, മഹത്തായ ഒരു ദൌത്യം പൂര്ത്തിയാക്കുന്നതു പോലെയോ പൂര്ത്തിയാക്കിയ ദൌത്യം പ്രഘോഷിക്കുന്നതു പോലെയോ ഒക്കെ പവിത്രമായ ഒരനുഭവമായി അതു മാറും. <br /><br />കേരളവര്മ പശശ്ശിരാജയെ അവതരിപ്പിക്കാന് കഴിഞ്ഞത് അത്തരത്തില് ഒരു ദൌത്യപൂര്ത്തീകരണമോ പ്രഘോഷണമോ ഒക്കെയാണെനിക്ക്. സിനിമയുടെ താല്പര്യങ്ങള്ക്കപ്പുറത്തേക്ക് സമര്ഥനും സത്യസന്ധനുമായ ആ സ്വാതന്ത്യ്രപ്പോരാളിയെക്കുറിച്ചോര്ത്ത് മനസ്സില് വ്യഥ നിറയുന്നതും അതുകൊണ്ടാണ്. ഇന്ന് പഴശ്ശിരാജയുടെ 204-ാം ചരമവാര്ഷികം. പഴശ്ശിരാജ എന്ന സിനിമയെപ്പറ്റിയുള്ള ആലോചനകള് തുടങ്ങുന്ന കാലം മുതല്, മലയാളത്തിന്റെ ഗുരുനാഥന് എംടി വാസുദേവന് നായര് ആ പോരാളിയുടെ ജീവിതം എഴുതിത്തുടങ്ങുമ്പോള് മുതല്, കഴിഞ്ഞ ഏതാനും വര്ഷങ്ങളായി, നവംബര് 30 എന്ന ദിവസം വളരെ അടുത്ത ഒരു ബന്ധു എന്ന പോലെ പഴശ്ശി മനസ്സില് നിറയുകയാണ്. എന്തുകൊണ്ടോ ഈ വര്ഷം പ്രത്യേകിച്ചും, പാഠപുസ്തകത്തില് പഠിച്ചതും പറഞ്ഞു കേട്ടതും അന്വേഷിച്ചറിഞ്ഞതും ധ്യാനിച്ചു സംഗ്രഹിച്ചതുമൊക്കെയായി പഴശ്ശിയുടെ വീരചരിതം മനസ്സിനെ വല്ലാതെ പ്രകമ്പനം കൊള്ളിക്കുന്നു. ആ വാള്പ്പിടിയിലെ ഊര്ജപ്രവാഹം അറിയാതെ കൈകളില് ആവേശിക്കുന്നു. <br /><br />ചിലരുടെ ജീവിതം എത്ര കാലം കഴിഞ്ഞാലും നമ്മെ വല്ലാതെ വേട്ടയാടും. ഒരു പക്ഷെ, മനസ്സുകള് തമ്മിലുള്ള ചേര്ച്ചയാവാം അല്ലെങ്കില് ആ ജീവിതം ജീവിക്കാനായില്ലല്ലോ എന്ന നിരാശയാവാം. കഥാപാത്രമായി മാറുമ്പോള് അഭിനയിക്കുകയാണെന്നു നടനു തോന്നാത്തത് ആ ജീവിതം ജീവിക്കാന് ലഭിച്ച അവസരം വല്ലാത്ത ആവേശത്തോടെ ആസ്വദിക്കുമ്പോഴാണ്. കഥാപാത്രമായി മാറുക എന്നൊക്കെ പറയുന്നത് ചിലപ്പോഴൊക്കെ പ്രഫഷനലിസത്തിനപ്പുറത്തേക്ക് സ്വയം അസ്വസ്ഥതപ്പെടുത്തുന്ന, ആഴ്ചകളോളം നീറിപ്പിടിക്കുന്ന ഒരനുഭവമാണ്. ഒരു നടന്റെ വിധിയാണത്. അപ്പോഴും, ആവിഷ്കരിക്കാന് ശ്രമിക്കുന്ന കഥാപാത്രത്തിന്റെ ജീവിതം നമ്മളിലൂടെ തുടരുകയാണ് എന്ന നിര്വൃതി എല്ലാ അസ്വസ്ഥകളെയും ശാന്തമാക്കും. <br /><br />കുറച്ചുനാളത്തേക്കെങ്കിലും വീരപഴശ്ശിയായിരുന്നു ഞാന്. ആ മനസ്സിന്റെ കരുത്തും, തീര്ച്ചകളിലെ മൂര്ച്ചയും അമ്പരപ്പിക്കുന്ന ആഴത്തില് അനുഭവിക്കാന് കഴിഞ്ഞിട്ടുണ്ടെനിക്ക്. രണ്ടു നൂറ്റാണ്ടു മുമ്പേ കഥാവശേഷനായ പഴശ്ശിക്ക് കേരളസമൂഹത്തില് ഇന്നും ഇത്ര ശക്തമായ സ്വാധീനം ചെലുത്താനായി എന്നത് പഴശ്ശിയുടെ ജീവിതം കാലത്തിനും ചരിത്രത്തിനും മേല് അവശേഷിപ്പിച്ച ഒരിക്കലും മരിക്കാത്ത അടയാളങ്ങളാണ്. സിനിമയില് കണ്ടതിനുമപ്പുറത്താണ് പഴശ്ശി എങ്കിലും അവിടേക്കെത്താന് പഴശ്ശിരാജ എന്ന സിനിമ നിമിത്തമായി എന്നതില് അഭിമാനിക്കുന്നു.<br /><br />പഴശ്ശിരാജയുടെ പോരാട്ടവും ജീവിതവുമൊക്കെ അക്കാദമിക് തലത്തിനപ്പുറത്തേക്ക് ഉയരുന്നത് ഇന്നത്തെ സാമൂഹികാവസ്ഥയില്പ്പോലും അദ്ദേഹം മുറുകെ പിടിച്ച ആശയങ്ങള് പ്രസക്തമാണ് എന്നതുകൊണ്ടാണ്. പറഞ്ഞു പഴകിയ വാക്കുകളാണെങ്കിലും വര്ഗീയതയും ആഗോളവല്ക്കരണവും ഒക്കെ അനുദിനം നമ്മള് നേരിടുന്ന വിഷയങ്ങളാണ്. വിദേശ അധിനിവേശം ചെറുക്കുന്നതോടൊപ്പം നമ്മുടെ കാര്ഷികമേഖലയുടെ അടിത്തറ കാത്തുസൂക്ഷിക്കുന്നതിന്റെ പ്രാധാന്യത്തെപ്പറ്റി വ്യക്തമായ കാഴ്ചപ്പാട് പഴശ്ശിയ്ക്കുണ്ടായിരുന്നു. ഇന്ത്യന് മതേതരത്വത്തിന്റെ കരുത്തനായ കാവലാളായിരുന്നു പഴശ്ശി. <br /><br />പഴശ്ശിയുടെ സമരങ്ങള് ഒന്നും ചരിത്രപുസ്തകങ്ങളില് അവസാനിക്കുന്നവയല്ല. അവ നല്കുന്ന പാഠങ്ങള് പുതിയ ഉള്ക്കാഴ്ചകളാവണം. പഴശ്ശിത്തമ്പുരാനും അദ്ദേഹത്തിന്റെ അനുയായികളും നമ്മുടെ സാക്ഷ്യപത്രങ്ങളോ സ്തുതിഗീതങ്ങളോ വിമര്ശനങ്ങളോ ഒന്നും ആവശ്യമില്ലാത്ത നിലയിലേക്കുയര്ന്നിരിക്കുന്നു. അനുസ്മരണ സമ്മേളനങ്ങളും പത്രക്കുറിപ്പുകളുമൊന്നും പഴശ്ശിയെ പെരുമയെ സ്വാധീനിക്കാന് ശക്തമല്ല. ഈ ചരമവാര്ഷികദിനത്തിലും നാം പഴശ്ശിയെ ഓര്ക്കുന്നത് വീരാരാധനയുടെ ഭാഗമായല്ല, ലോകത്തിനും സമൂഹത്തിനും മാര്ഗദര്ശിയായ ഒരു മഹാത്മാവിന്റെ അനുഭവപാഠങ്ങള് നമ്മെ പ്രചോദിപ്പിക്കേണ്ടതിനാവണം. സ്വാതന്ത്യ്രപ്പോരാളി എന്നതിനപ്പുറത്തേക്ക് ഒരു സാമൂഹികപാഠമായി പഴശ്ശിത്തമ്പുരാന് മാറുന്നത് നാം ഓരോരുത്തരിലൂടെയുമാവണം.<div class="blogger-post-footer"><img width='1' height='1' src='https://blogger.googleusercontent.com/tracker/6185531960018261474-871993256003625032?l=blog.mammootty.com' alt='' /></div>മമ്മൂട്ടി :: Mammoottyhttp://www.blogger.com/profile/10547924645613182695noreply@blogger.com251tag:blogger.com,1999:blog-6185531960018261474.post-39542853683038552472009-08-30T00:26:00.000-07:002009-08-30T00:27:47.342-07:00ഓര്മകളുടെ പുതപ്പ്ഓണത്തെ കുറിച്ചു എന്തെഴുതണമെന്ന് നാനിങനെ ആലോചിക്കുകയാണ്. എല്ലാം എഴുതിയും പറഞ്ഞും കഴിഞ്ഞു. പല കാലങ്ങളിലൂടെ... പല ഓണങ്ങളിലൂടെ... ഓര്മകളുടെ കുന്നും മലയും കയറി പൂക്കളിറുത്തു പൂക്കൂടയിലാക്കി എത്രയോ വട്ടം സമര്പിച്ചു കഴിഞ്ഞു. ചെമ്പിലെ ബാല്യ കാലത്തേ ഓണം, എന്നിലെ സിനിമാകാരന്റെ ഓണം. സെറ്റിലെ ഓണം, വീട്ടിലെ ഓണം അങ്ങനെ ഓര്മകളുടെ നൂറുനൂറു പൂക്കളങ്ങള്... ഇന്റര്നെറ്റില് എന്റെ ബ്ലോഗ് എഴുതിതുടങ്ങിയതോടെ വിഷയങ്ങളെത്തേടി ചിലപ്പോഴൊക്കെ മനസ് പായും. എന്തെഴുതണം എന്ന് ഒരിക്കലും എന്നിക്ക് ആലോചികേണ്ടി വന്നിട്ടില്ല. വിഷയങ്ങള് മനസിനെ തേടി എത്തുകയാണ് പതിവ്.<br /><br />"പതിനേഴുവര്ഷം മുമ്പു ഒരു പുതു വര്ഷരാവില് വാല്സല്യത്തിന്റെ സെറ്റില്വച്ച് ഒരു കാരണവും ഇല്ലാതെ എന്നെ കെട്ടിപിടിച്ചു കരഞ്ഞത് എന്തിനായിരുന്നു? പിന്നീട് പലതവണ ചോദിചെങ്കിലും ലോഹി ഈ ചോദ്യത്തിന് ഉത്തരം നല്കിയില്ല. എന്തായിരുന്നു ആ നൊമ്പരത്തിന് പിന്നിലെന്ന് ഞാനിനി ആരോട് ചോദിക്കും?" ലോഹിയെ കുറിച്ചു ബ്ലോഗില് എഴുതുമ്പോള് മനസ് നീറിപ്പിടയുകയായിരുന്നു.<br /><br />വലിയ വിയോഗങ്ങള് എന്നില് ഏല്പിച്ച ആഘാതങ്ങളുടെ ഓണം കൂടിയാണ് കടന്നുവരുനത്. ലോഹിക്ക് പിന്നാലെ രാജന് പി ദേവും മുരളിയും കടന്നുപോകുമ്പോള് തളര്ന്നുപോകുന്നു.<br /><br />എത്ര വലുതാണ് മലയാള സിനിമയുടെ വലുപ്പമെന്നു ഞാന് ചിലപ്പോഴൊക്കെ ആലോചിക്കാറുണ്ട്. ദേശീയ തലത്തില് കിട്ടിയ അവാര്ഡുകളുടെ എണ്ണമെടുത്താല് നമ്മള് എത്രയോ മുന്നിലാണ്. ഒരു ചെറിയ ജനത, ഒരു ചെറിയ ഭാഷ നേടിയ വലുപ്പമല്ലേ ഇതെല്ലം... സിനിമയുടെ സാങ്കേതികതയെക്കുറിച്ച് സാധാരണ പ്രേക്ഷകന്പോലും ആവേശത്തോടെ ചര്ച്ച ചെയ്യുന്ന കാലമാണിത്. അധികം ടെക്നിക്കിന്റെ ആവശ്യം സിനിമയിലുണ്ട് എന്നെനിക്കു തോനുനില്ല. സിനിമയുടെ ഉള്ളടക്കത്തിലാണ് കാര്യം . ഫ്രെയ്മുകളുടെ ഭംഗിയൊക്കെ സ്വാഭാവികമായി ഉണ്ടാകേണ്ടതാണ്. പിന്നെ എടുത്തുവിരട്ടലോക്കെ എത്രമാത്രം വേണമെന്ന് ആലോചികേണ്ടാതാണ്. ഏറ്റവും അത്യാവശ്യം വേണ്ട ചില സാങ്കേതികവിദ്യകള് നമ്മള് സ്വായത്തമാകണം. സിങ്ക് സൌണ്ട് സിസ്ടമാണ് അതിലൊന്ന്. അതായത് സെറ്റില് ചിത്രീകരണം നടക്കുമ്പോള്തന്നെ പറയുന്ന ഡയലോഗ് റെക്കോര്ഡ് ചെയ്തു സിനിമയില് ഉപയോഗിക്കുന്ന രീതി. അത്രയും ഇമോഷണലായി നമ്മള് ഒരു സീനിനെ സമീപിക്കുമ്പോള് ചെയുന്ന ഡയലോഗിന്റെ തീവ്രത ഡബ്ബിംഗ് തിയേറ്ററില് ഇരുന്നാല് കിട്ടില്ല. അമരത്തിന്റെയൊക്കെ പൈലറ്റ് ട്രാക്ക് കേട്ടപ്പോള് പലപ്പോഴും എന്റെ കണ്ണ്നിറഞ്ഞിട്ടുണ്ട്. പക്ഷെ സാങ്കേതികതയുടെ കുറവ്മൂലം ആ ട്രാക്ക് സിനിമയില് ഉപയോകിക്കാന് കഴിഞില്ല. റസൂല് പൂക്കുട്ടിയെപ്പോലെയുള്ള നമ്മുടെ ശബ്ദ വിന്യാസ സാധ്യതകള്ക്ക് ഓസ്കാര് അംഗീകാരം ലഭിച്ചിട്ടും നമുക്കിപ്പോഴും സിങ്ക് സൌണ്ട് ടെക്നിക് പ്രയോഗിക്കാന് കഴിഞിട്ടില്ല. മലയാള സിനിമയില് ഈ സാങ്കേതികവിദ്യയോടെ ഞാന് അഭിനയിക്കുന്ന ലൌഡ് സ്പീക്കര് എന്ന സിനിമയുടെ ചിത്രീകരണം നടന്നുവരികയാണ് . ഭാഷ അറിയാത്ത നടിയാണ് എങ്കില് അപ്പോള്ത്തന്നെ ചിത്രീകരണ വേളയില് ഡബ്ബിംഗ് ആര്ട്ടിസ്റ്റ് നെ ഉപയോഗികാം. സിനിമ കൂടുത ജീവിത ഗന്ധിയാകുന്നതും സ്വാഭാവികമാകുന്നതും ഇത്തരം ഇടപെടലുകളിലൂടെയാണ്.<br /><br />സുബ്രമണ്യപുരവും പരുത്തിവീരനും ഇവിടെ വരുനില്ല എന്ന് ആശങ്കപെടുന്നവരുണ്ട്. ഞാനൊന്ന് ചോദിക്കട്ടെ; തമിഴിലെ വെയില് എന്ന സിനിമ ചിത്രീകരിച്ചതുപോലൊരു സ്ഥലം ഈ കേരളത്തില് എവിടെയെങ്കിലും ഉണ്ടോ? നമ്മുടേത് സെമി അര്ബന് സൊസൈറ്റിയാണ്. ഓരോ ഗ്രാമവും ഒരു ചെറു പട്ടണമാണ്. പക്ഷെ കഥയുടെ കാമ്പും കഴമ്പും ഇവിടെനിന്നും കണ്ടെത്താം. വെണ്ണിലാകബടിക്കൂട്ടം പോലൊരു കഥ മലപ്പുറത്തെ സെവന്സ് ഫുട്ബോളിന്റെ പശ്ചാത്തലത്തിലും ആലോചിച്ചുകൂടായിരുന്നോ? നല്ല കഥയ്ക്ക് ഇപ്പോഴും കാഴ്ച്ചക്കാരുണ്ട്.<br /><br />വീണ്ടും ഓണത്തിലേക്ക് വരാം. ഉത്സവകാലങളില് മലയാളി ചിലപ്പോഴൊക്കെ കബളിപ്പിക്കപെടുകയാണെന്ന് ഓണവും മറ്റ് ആഘോഷങ്ങളും നമ്മളെ ഓര്മിപ്പിക്കുന്നു. ഒരു പവന് സ്വര്ണത്തിന് ഒരു പവന് ഫ്രീ എന്നൊക്കെയാണ് ചില ഓഫറുകള്. ആഘോഷങ്ങലോടുള്ള ആത്മര്തതയില് നമ്മള് തിമിര്ക്കുമ്പോള് ചില കാര്യങ്ങളില് വഞ്ചിക്കപ്പെടുകയാണ് എന്ന് തോന്നിപ്പോകുന്നു . ഒരു വര്ഷത്തില് പതിനൊന്നു മാസവും ഒരു വില ഉത്സവകാലത്ത് മറ്റൊരു വില എന്ന് വിപണി പറയുമ്പോള് പതിനൊന്നു മാസവും വില കൂട്ടിവാങ്ങുകയാണോ എന്ന് ചിന്തിക്കാനും തോന്നുന്നു. പക്ഷെ ഓണം നമ്മുടേത് മാത്രമാണ്. ചിങ്ങത്തെ കൊയ്തുല്സവമെന്നതിനെക്കാള് വസന്തോല്സവമെന്നും വിളിക്കാം. പുതിയ കോടി... സമൃദ്ധി... ഐശ്വര്യം.. ഓണം ഓര്മ്മകള് കൊണ്ട് വീണ്ടും നമ്മളെ മൂടിപ്പുതയ്ക്കുന്നു.<div class="blogger-post-footer"><img width='1' height='1' src='https://blogger.googleusercontent.com/tracker/6185531960018261474-3954285368303855247?l=blog.mammootty.com' alt='' /></div>മമ്മൂട്ടി :: Mammoottyhttp://www.blogger.com/profile/10547924645613182695noreply@blogger.com164tag:blogger.com,1999:blog-6185531960018261474.post-29929453238991334172009-07-05T00:12:00.000-07:002009-07-05T00:14:14.495-07:00പ്രിയപ്പെട്ട ലോഹിക്ക്...പ്രിയപ്പെട്ട ലോഹിക്ക്,<br /><span class=""></span><br />ഉത്തരം കിട്ടാത്ത കുറെ ചോദ്യങ്ങള് എരിയുന്ന മനസ്സുമായി ഒരോര്മക്കുറിപ്പെഴുതാന് എനിക്കു ശക്തിയില്ല. ഇത്തരം വേര്പാടുകള് എതൊരാളെ സംബന്ധിച്ചും വലിയൊരാഘാതം തന്നെയായിരിക്കും. പക്ഷെ, എ.കെ.ലോഹിതദാസ് മലയാളസിനിമയ്ക്ക് എന്തായിരുന്നെന്നും തനിക്കാരായിരുന്നെന്നും ലോകത്തിന് ഇനിയും നിര്വചിച്ചെടുക്കാന് കഴിഞ്ഞിട്ടില്ല എന്നത് സ്നേഹത്തിന്റെയും സൌഹൃദത്തിന്റെയും ആനേകം കൈവഴികളിലൂടെ ലോഹി വെട്ടിപ്പിടിച്ച ഹൃദയങ്ങള് അനുഭവിക്കുന്ന അനാഥത്വത്തിന്റെ പ്രതിഫലനമാണ്. ലോഹി ഒരു നഷ്ടമാണ്, ഒരു നൊമ്പരമാണ്. ഒരു സ്നേഹസാമ്രാജ്യം ബാക്കി വച്ച് ഒരുപാട് നല്ല സിനിമകള് തലമുറകള്ക്കു പകര്ന്നു നല്കി എന്റെ ലോഹി മടങ്ങിപ്പോയിരിക്കുന്നു.<br /><br />ഇണക്കങ്ങളും പിണക്കങ്ങളും ആകസ്കമികതകളും കോര്ത്തിണക്കിയ ലോഹിയുടെ തിരക്കഥകള്പോലെ സങ്കീര്ണവും അതേസമയം തീവ്രവുമായ സ്നേഹബന്ധത്തിന്റെ പൊട്ടാത്ത ഒരു നൂല് ബാക്കിവച്ച് എന്തിനായിരുന്നു ലോഹീ ഇത്ര പെട്ടെന്നൊരു മടക്കം ?<br /><br />എല്ലാം അറിഞ്ഞിരുന്നവനെപ്പോലെ മനപൂര്വം പലതും മറച്ചുവച്ച് എല്ലാവരെയും വിഡ്ഢികളാക്കാന് പോകുന്ന കുസൃതിക്കാരന്റേതുപോലെ നമ്മള് അവസാനം കാണുമ്പോള് ചുണ്ടില് ഒരു ഗുഢസ്മിതം ഒളിച്ചുവച്ചിരുന്നതിന്റെ കാരണം ഇതായിരുന്നോ ? അപ്പോഴും ഭൂതകാലത്തില് പിന്നത്തേക്കു മാറ്റി വച്ച, ഒരിക്കലും ഉത്തരം തരാതെ ലോഹി ഒഴിഞ്ഞുമാറിയ ചോദ്യങ്ങള് ഈ സഹോദരന്റെ നെഞ്ചില് വേദനകളുടെ തനിയാവര്ത്തനമാവുകയാണ്.<br /><br />വല്ലാതെ സ്നേഹിച്ച് വേദനിപ്പിക്കാന് വേണ്ടിയായിരുന്നോ നമ്മള് അടുത്തതും സഹോദരങ്ങളെപ്പോലെ സ്നേഹിച്ചതും ? ദേഷ്യം പിടിപ്പിച്ചു സ്നേഹം പിടിച്ചുവാങ്ങുന്ന കുസൃതിയായിരുന്നോ ലോഹിയോട് എന്നെ ഇത്രത്തോളം അടുപ്പിച്ചത് ? ഓരോ സിനിമയും തുടങ്ങുമ്പോള് കാലില് തൊട്ട് അനുഗ്രഹം വാങ്ങിയത്, അടുത്തില്ലെങ്കില് ഫോണില് വിളിച്ച് ആ കയ്യൊന്നെന്റെ നെറുയില് വയ്ക്കൂ എന്നു പറഞ്ഞിരുന്നത് ഈ വേര്പാടിന്റെ വേദന ഇരട്ടിയാക്കാന് വേണ്ടിയായിരുന്നോ ?<br /><br />17 വര്ഷം മുമ്പൊരു പുതുവര്ഷരാവില് വാല്സല്യത്തിന്റെ സെറ്റില് വച്ച് ഒരു കാരണവുമില്ലാതെ എന്നെ കെട്ടിപ്പിടിച്ചു കരഞ്ഞതെന്തിനായിരുന്നു ? പിന്നീട് എത്ര തവണ ഞാനീ ചോദ്യം ചോദിച്ചിട്ടും ലോഹി എനിക്കുത്തരം തന്നില്ല. എന്തായിരുന്നു ആ നൊമ്പരത്തിനു പിന്നിലെന്ന് ഇനി ഞാന് ആരോടാണ് ചോദിക്കേണ്ടത് ?<br /><br />രക്തസമ്മര്ദ്ദത്തിനു ചികില്സിക്കാനുള്ള എന്റെ ഉപദേശം മടക്കി ഒറ്റമൂലിയുടെ ഗുണഗണങ്ങള് എന്നെപ്പഠിപ്പിച്ച് ലോഹിയുടെ നാടന് കഷായം കുറെനാള് എന്നെയും കുടിപ്പിച്ചത് കാത്തിരിക്കുന്ന വിധിയോടുള്ള പരിഹാസമായിരുന്നോ ?<br />എന്നോടെല്ലാം മറച്ചുവച്ചിട്ടും ഡോക്ടര് പറഞ്ഞറിഞ്ഞ് രോഗത്തിനു ചികില്സിക്കാന് ഉപദേശിച്ചപ്പോള് ഓതു ഡോക്ടറും തോല്ക്കുന്ന തത്വസാസ്ത്രം പറഞ്ഞത് ഇങ്ങനെ എല്ലാവരെയും തോല്പിച്ചു മടങ്ങാനായിരുന്നോ ?<br /><br />ഉത്തരം കിട്ടില്ലെന്നറിഞ്ഞിട്ടും പിന്നെയും വേദനയോടെ ഇതു കുറിക്കുന്നത് ഈ ചോദ്യങ്ങള് എന്നെ എന്നും വേട്ടയാടുമെന്നറിഞ്ഞിട്ടു തന്നെയാണ്. ഇനിയൊരു സിനിമ തുടങ്ങുമ്പോള് അനുഗ്രഹം നേടി ആ കൈകള് എന്റെ നേര്ക്കെത്തില്ലല്ലോ എന്നോര്ക്കുമ്പോള് ഒരു വിശേഷവും വേദനയും എന്നോടു പറയില്ലല്ലോ എന്നോര്ക്കുമ്പോള് ഞാനും മനസ്സിന്റെ ഏതൊക്കെയോ മേഖലകളില് അനാഥത്വം അറിയുന്നു. ഇനി ഓരോ പടവിലും ആ ഓര്മകളുടെ കാല്പാടുകളില് കൈ തൊട്ട് അനുഗ്രഹം തേടട്ടെ ഞാന്.<div class="blogger-post-footer"><img width='1' height='1' src='https://blogger.googleusercontent.com/tracker/6185531960018261474-2992945323899133417?l=blog.mammootty.com' alt='' /></div>മമ്മൂട്ടി :: Mammoottyhttp://www.blogger.com/profile/10547924645613182695noreply@blogger.com254tag:blogger.com,1999:blog-6185531960018261474.post-75103621663270896062009-01-06T10:26:00.000-08:002009-01-06T10:28:26.751-08:00ജനാധിപത്യത്തിന്റെ താക്കോല്അഭിപ്രായങ്ങള് രേഖപ്പെടുത്തിയ എല്ലാവര്ക്കും നന്ദി. എന്റെ അഭിപ്രായങ്ങളോട് യോജിച്ചവരുണ്ടാകാം, വിയോജിച്ചവരുണ്ടാകാം. വ്യത്യസ്തമായ അഭിപ്രായങ്ങളാണല്ലോ തീരുമാനങ്ങളിലേക്കു നയിക്കുന്നത്. ഓരോരുത്തര്ക്കും മറുപടി നല്കാനുള്ള സമയമോ സാവകാശമോ ഇപ്പോഴില്ല എങ്കിലും എല്ലാ കമന്റുകളും വായിക്കുകയും വായനക്കാരുടെ അഭിപ്രായങ്ങളെ വിലമതിക്കുകയും ചെയ്യുന്നു.<br /><br />സാമ്പത്തിക മാന്ദ്യം ഇന്ത്യയെ എത്രത്തോളം ബാധിക്കുമെന്നതിനെ സംബന്ധിച്ച് ഒരു ചര്ച്ചയല്ല, മറിച്ച് ക്രിയാത്മകമായ ഇടപെടലുകളാണ് ആവശ്യം. ഇക്കാര്യത്തില് സര്ക്കാരിനെ വിമര്ശിക്കുന്നതോ സാമ്പത്തികവിദഗ്ധന്മാരെ വിചാരണ ചെയ്യുന്നതോ അല്ല, മറിച്ച് ഇന്ത്യന് സമ്പദ്വ്യവസ്ഥയെ ഒരു പൌരനെന്ന നിലയില് എങ്ങനെ സ്വാധീനിക്കാനാവും എന്ന് ആലോചിക്കുകയാണ് നമ്മള് ചെയ്യേണ്ടത്. സാമ്പത്തികവളര്ച്ചയുടെ കാര്യത്തില് ഇന്ത്യ ലോകത്ത് രണ്ടാം സ്ഥാനത്താണ്. മാന്ദ്യമുണ്ടെങ്കിലും ഇന്ത്യ ഈ വര്ഷം നല്ല സാമ്പത്തികവളര്ച്ച നേടി എന്നതും ശ്രദ്ധേയമാണ്. എല്ലാ ചോദ്യങ്ങള്ക്കും ഈ നേട്ടം ഒരുത്തരമാണ്. <br /><br />രാജ്യത്തിന്റെ ഈ നേട്ടത്തിനു പിന്നില്, ഏതു ഘടകമാണ് മുന്നിട്ടു നില്ക്കുന്നത് എന്നാലോചിച്ചാല് സാമ്പത്തികവിദഗ്ധര്ക്കു ചൂണ്ടിക്കാണിക്കാന് പലതുമുണ്ടാവും. എന്നാല് ഇന്ത്യ ലോകത്തെ ഏറ്റവും വലിയ ജനാധിപത്യരാജ്യമാണെന്നത് സാമ്പത്തികരംഗത്തു മാത്രമല്ല, എല്ലാ രംഗത്തും കൈവരിക്കുന്ന നേട്ടങ്ങള്ക്കു പിന്നിലുള്ള ആദ്യരഹസ്യമാണ്. <br /><br />അഭിമാനാര്ഹമാണ് ഈ പദവി. എന്നാല്, മഹത്തായ ഈ ജനാധിപത്യത്തില് എത്ര പേര് പങ്കാളികവാവുന്നു എന്നതു പരിശോധിക്കുമ്പോള് ഇന്ത്യ പൂര്ണമായും ഒരു ജനാധിപത്യരാജ്യമാണോ എന്ന ചേദ്യത്തിന് സാങ്കേതികമായെങ്കിലും അല്ല എന്നുത്തരം നല്കേണ്ടി വരും. കാരണം, രാജ്യത്തെ അധികാരികളുടെമേല് എല്ലാ ജനങ്ങള്ക്കും ആധിപത്യമില്ല എന്നതു തന്നെ. 100 ശതമാനം ജനങ്ങളും ഭാഗഭാക്കാവുന്ന ഒരു ജനാധിപത്യം ആവണം നമ്മുടെ സ്വപ്നം. അങ്ങനെ സംഭവിക്കാത്തിടത്തോളം ആധിപത്യം ചുരുങ്ങിയ ശതമാനം ജനങ്ങളുടെ കയ്യിലായിരിക്കും. രാജ്യം എങ്ങോട്ടു പോകണമെന്നത് ഇവര് തീരുമാനിക്കും. <br /><br />എന്റെ വ്യക്തിപരമായ അഭിപ്രായത്തില് വോട്ടവകാശം വിനിയോഗിക്കാത്ത ഒരു പൌരന് ജനാധിപത്യത്തില് പങ്കാളിത്തമില്ലാതാവുന്നതുപോലെ തന്നെ രാജ്യകാര്യങ്ങളില് അഭിപ്രായം പറയാന് പോലും ധാര്മികമായി അവകാശമില്ല. ഒരു പൌരന് രാജ്യം നല്്കുന്ന പരമോന്നതബഹുമതി ആ രാജ്യത്തെ വോട്ടവകാശമാണെന്നു ഞാന് വിശ്വസിക്കുന്നു. വോട്ടവകാശം ഉപയോഗിക്കാതിരിക്കല് ഒരിക്കലും ഒരു പ്രതിഷേധമാര്ഗമല്ല, മറിച്ച് പൌരനെന്ന നിലയില് രാജ്യത്തിന്റെ ജനാധിപത്യത്തില് നിന്നു സ്വയം ഒഴിഞ്ഞുമാറലാണ്. വോട്ടവകാശം നമ്മുടെ പൌരത്വത്തിന്റെ അവകാശങ്ങളുടെ മേലുള്ള കയ്യൊപ്പാവണം. ആ കയ്യൊപ്പ് ചാര്ത്താന് എന്റെ അസൌകര്യങ്ങള് ഇനി മേലിലൊരു തടസ്സമായിരിക്കില്ല. <br /><br />60 ശതമാനം ജനങ്ങള് മാത്രം വോട്ടവകാശമുപയോഗിക്കുന്ന രാജ്യത്ത് ബാക്കി 40 ശതമാനം ആളുകള് ജനാധിപത്യത്തിനു പുറത്താണ്. ജനങ്ങളുടെ പങ്കാളിത്തം കുറയുമ്പോള് ജനാധിപത്യത്തിന്റെ ശക്തിയും കുറയും. ഒപ്പം അത്രമേല് ശക്തമായ ജനാധിപത്യസംവിധാനത്തിന്മേലുള്ള സ്വാധീനങ്ങള് വര്ധിക്കുകയും ചെയ്യും. 100 വോട്ടര്മാരുള്ള ഒരു മണ്ഡലത്തില് രണ്ടു സ്ഥാനാര്ത്ഥികള് മല്സരിക്കുമ്പോള് 60 പേര് മാത്രം വോട്ടു ചെയ്താല് രണ്ടിലൊരാള്ക്ക് ഈ 100 പേരെ ഭരിക്കാനുള്ള അവകാശത്തിന് കേവലം 31 വോട്ടുകളേ ആവശ്യമുള്ളൂ. ജനാധിപത്യസംവിധാനത്തില് വോട്ടവകാശം ഉപയോഗിക്കുക എന്നതല്ലാതെ ഇതിനു മറ്റൊരു പ്രതിവിധിയില്ല. <br /><br />രാഷ്ട്രീയകക്ഷികളുടെ സ്വാധീനത്തെ പലപ്പോഴും വിമര്ശനബുദ്ധിയോടെ സമീപിക്കാനാണ് ആളുകള്ക്കിഷ്ടം. എന്നാല്, ഭരണത്തിലേറുക എന്ന ലക്ഷ്യം മുന്നില് കണ്ടാണെങ്കില് പോലും വിവിധ ആശയങ്ങളും സ്വഭാവങ്ങളുമുള്ള രാഷ്ട്രീയകക്ഷികള് ഒരേ ലക്ഷ്യത്തിനു വേണ്ടി മല്സരിക്കുമ്പോള് ആ മല്സരം ആത്യന്തികമായി ജനങ്ങള്ക്കു തന്നെയാണ് പ്രയോജനകരമാവുന്നത്. <br /><br />ചുരുക്കത്തില്, ആരോട് പ്രതിഷേധിക്കാനാണോ ഒരാള് വോട്ടവകാശം സ്വയം നിഷേധിക്കുന്നത്, അങ്ങനെ ചെയ്യുന്നതിലൂടെ അയാള് പ്രതിഷേധത്തിന്റെ മുനയൊടിക്കുകയാണ്, നിലവിലുള്ള അപര്യാപ്തതകള്ക്ക് പിന്തുണ നല്കുകയാണ് ചെയ്യുന്നത്. <br /><br />നിലവിലുള്ള സംവിധാനത്തിനെതിരെയുള്ള പ്രതിഷേധം പൌരന് അറിയിക്കേണ്ടത് വോട്ടു ചെയ്യാതിരിക്കുന്നതിലൂടെയല്ല, വോട്ട് ചെയ്യുന്നതിലൂടെയാണ്. രാഷ്്ട്രീയധാരകള്ക്കെതിരെയുള്ള പ്രതിഷേധം നമ്മുടെ ജനാധിപത്യത്തെ ദുര്ബലപ്പെടുത്താതിരിക്കുന്നതിന് സ്വന്തം വോട്ടവകാശത്തില് വിശ്വസിക്കുക, അതില് അഭിമാനിക്കുക.<div class="blogger-post-footer"><img width='1' height='1' src='https://blogger.googleusercontent.com/tracker/6185531960018261474-7510362166327089606?l=blog.mammootty.com' alt='' /></div>മമ്മൂട്ടി :: Mammoottyhttp://www.blogger.com/profile/10547924645613182695noreply@blogger.com465tag:blogger.com,1999:blog-6185531960018261474.post-38808167317540095522009-01-01T02:12:00.001-08:002009-01-01T04:21:34.273-08:00സമ്പദ്വ്യവസ്ഥയുടെ രാഷ്ട്രീയംലോകമെങ്ങുമുള്ള എല്ലാ മലയാളികള്ക്കും എന്റെ ഹൃദയം നിറഞ്ഞ പുതുവല്സരാശംസകള്. പോയ വര്ഷത്തിന്റെ ദുരിതങ്ങളും ആധികളും ആശങ്കകളുമില്ലാത്ത നന്മനിറഞ്ഞ ഒരു വര്ഷമായിരിക്കട്ടെ ഇതെന്നു പ്രത്യാശിക്കാം. <br /><br />ആധികളും ആശങ്കകളുമില്ലാത്ത വര്ഷമായിരിക്കട്ടെ എന്ന ആശംസയ്ക്കു ഭേദപ്പെടുത്താന് കഴിയാത്ത ചില പ്രതിസന്ധികളിലൂടെയാണ് നമ്മള് ഈ വര്ഷത്തെ അനുകൂലമാക്കിയെടുക്കേണ്ടത്.അതൊരു കനത്ത വെല്ലുവിളിയാണ്. മാധ്യമങ്ങളും സാമ്പത്തികവിദഗ്ധരുമൊക്കെ ചര്ച്ചചെയ്തു പഴകിയ ആഗോളസാമ്പത്തികപ്രതിസന്ധി നമ്മളെ മാത്രം ബാധിക്കില്ല എന്ന ചിലരുടെ വിശ്വാസം സത്യത്തില് എന്നെ വിസ്മയിപ്പിക്കുകയാണ്. അമേരിക്കയുള്പ്പെടുന്ന വന്ശക്തികളെ മാത്രം ബാധിക്കുന്ന ഒന്നാണ് ഈ സാമ്പത്തിക പ്രതിസന്ധി എന്നും ഐടി, ബാങ്കിങ് രംഗത്തുള്ള ലക്ഷങ്ങള് ശമ്പളം വാങ്ങുന്ന പുത്തന്കൂറ്റ് പ്രൊഫഷണലുകള്ക്കാണ് ജോലി നഷ്ടപ്പെടാന് പോകുന്നതെന്നുമൊക്കെയുള്ള ചിന്ത പലരും പങ്കുവച്ചു കേള്ക്കുമ്പോള് ലോകസാമ്പത്തികവ്യവസ്ഥിതിയെ വട്ടംകറക്കുന്ന ഈ പ്രതിഭാസത്തെ ഇത്ര ലാഘവത്തോടെ കാണാന് നമുക്കെങ്ങനെ സാധിക്കുന്നു എന്നതില് വിസ്മയിക്കാതെ തരമില്ല. <br /><br />മാധ്യമങ്ങള് മുന്ഗണന നല്കുന്ന കാര്യങ്ങള്ക്ക് സമൂഹവും മുന്ഗണന നല്കുന്നു എന്നു പറയുന്നത് സ്വാഭാവികമാണ്. എന്നാല്, ഏതു ദുരന്തമോ പ്രതിസന്ധിയോ ആയാലും മാധ്യമങ്ങള് അതാഘോഷിക്കുന്ന ദിവസത്തിനപ്പുറത്തേക്ക് അത് ഒരോര്മപ്പെടുത്തലായി, ഒരു കരുതലായി ജീവിതത്തിലേക്കു സ്വീകരിക്കാന് എത്ര പേര്ക്കു കഴിയുന്നു എന്നത് പ്രസ്കതമായ ചോദ്യമാണ്. ഇരിക്കൂറില് ഒട്ടേറെ കുരുന്നുകളുടെ ജീവനെടുത്ത സംഭവം ദുരന്തം കഴിഞ്ഞ് ഒരു മാസം കഴിയും മുമ്പേ എല്ലാവരും മറന്നു കഴിഞ്ഞിരിക്കുന്നു. നമ്മുടെ കുട്ടികള് സഞ്ചരിക്കുന്ന സുരക്ഷിതമല്ലാത്ത വഴിയോരങ്ങള്ക്കും അശ്രദ്ധമായി പായുന്ന വാഹനങ്ങള്ക്കും ഒരു മാറ്റവും സംഭവിച്ചിട്ടില്ല. <br /><br />സാമ്പത്തികമാന്ദ്യവും അത്തരത്തില് വിസ്മരിക്കപ്പെടുന്നതിലെ അപകടം നമ്മുടെ സാമ്പത്തികജീവിതത്തെ തകിടം മറിക്കുന്ന ദിവസം വരെ തിരിച്ചറിയാന് കഴിഞ്ഞില്ലെന്നു വന്നേക്കാം. പെട്ടെന്നൊരു ദിവസം മുതല് ഊണിനു സ്പെഷല് ഒഴിവാക്കുന്നതോ, ടാക്സിയില് സഞ്ചരിക്കുന്ന ആള് ഓട്ടോറിക്ഷയിലേക്കു മാറുന്നതോ മാന്ദ്യത്തെ നേരിടാനുള്ള വഴികളല്ല. കൃത്യമായ ഒരു വേഗത്തില് യാഥാര്ഥ്യമായിക്കൊണ്ടിരിക്കുന്ന ആ സത്യത്തെ അങ്ങനെ ആര്ക്കെങ്കിലും നേരിട്ടു തോല്പിക്കാനാവുമെന്നും ഞാന് കരുതുന്നില്ല. <br /><br />തകരാതിരിക്കാന് മാന്ദ്യത്തിനനുയോജ്യമായ സാമ്പത്തിക കാലാവസ്ഥ സൃഷ്ടിക്കുക എന്നതാവണം പ്രധാനം. പുതിയ സാമ്പത്തികശീലങ്ങളും കൌശലപൂര്വമുള്ള നിക്ഷേപങ്ങളുമുണ്ടാവണം. ഓഹരി- റിയല് എസ്റ്റേറ്റ് മേഖലകളിലെ നിക്ഷേപസ്വഭാവങ്ങളാണ് മാന്ദ്യത്തിനു കാരണമായതെന്നു സാമ്പത്തികവിദഗ്ധര് ചൂണ്ടിക്കാണിക്കുമ്പോള് അധ്വാനത്തിന്റെയും ഉല്പാദനത്തിന്റെയും ഇനിയും ചൂഷണം ചെയ്യപ്പെടാത്ത സാധ്യതകളിലേക്ക് നമ്മള് എത്തിനോക്കണമെന്നാണ് എന്റെ അഭിപ്രായം. കൃഷി ചെയ്യാന് എസ്റ്റേറ്റും തൊഴില് ചെയ്യാന് പിഎഫും ഗ്രാറ്റുവിറ്റിയും വേണമെന്ന അഭിപ്രായം എനിക്കില്ല. മലയാളികള് അനുകൂല്യങ്ങള്ക്കാണ് പ്രാധാന്യം കല്പിക്കുന്നത്, തൊഴിലിനല്ല. ഓരോരുത്തരും തങ്ങളുടെ തൊഴിലിനോടു പുലര്ത്തുന്ന ആത്മാര്ത്ഥതയും തൊഴിലാളി എന്ന നിലയില് നല്കുന്ന സേവനത്തിന്റെ ഗുണനിലവാരവും സ്വയമൊന്നു പരിശോധിക്കാന് തയ്യാറായാല് ഏതു മാന്ദ്യത്തെയും ചെറുക്കാനുള്ള പ്രതിരോധശേഷി നമ്മുടെ സമ്പദ്വ്യവസ്ഥയില് നിന്നു തന്നെ നേടാനാവും. <br /><br />അധ്വാനിക്കുക എന്നത് ഒരു ഭാരമോ കടമയോ അല്ല, ഒരു ശീലമാണ്. ഇക്കാര്യത്തില് മഹത്വചനങ്ങളെക്കാള് പ്ളസ് വണ് വിദ്യാര്ത്ഥിയായ ഒരു പതിനെട്ടുകാരന് നല്കുന്ന പാഠങ്ങള് മഹത്തായ മാതൃകയാണ്. കോഴിക്കോടു സ്വദേശിയായ ഡാനിഷ് മജീദിനെക്കുറിച്ച് മാധ്യമങ്ങളില് നിന്നാണു ഞാനറിഞ്ഞത്. പശുവളര്ത്തലില് താല്പര്യം തോന്നിയ ഡാനിഷ് 15 പശുക്കളുമായി ഒരു ഡെയറി ഫാം നടത്തുന്നു എന്നത് നിസ്സാരകാര്യമല്ല. ചിട്ടയായി അന്തസ്സുള്ള ജീവിതം നയിക്കുന്ന ഈ മിടുക്കനെ കാണുമ്പോള് തങ്ങള് ഒന്നും ചെയ്യുന്നില്ലല്ലോ എന്ന തോന്നല് കേരളത്തിലെ ചെറുപ്പക്കാര്ക്കുണ്ടാവേണ്ടതാണെന്നാണ് എന്റെ അഭിപ്രായം. <br /><br />ഏതു പ്രതിസന്ധിയെയും തരണം ചെയ്യാന് സര്ക്കാര് നടപടി പ്രതീക്ഷിച്ചിരിക്കുന്നത് പ്രായോഗികമല്ല. സര്ക്കാരിന് അതിന്റേതായ ഒരു സംവിധാനമുണ്ട് അതുകൊണ്ടു തന്നെ കാലതാമസവുമുണ്ട്. തനതായ മാര്ഗങ്ങളും പരിഹാരങ്ങളും കണ്ടെത്തുക, പറന്നുയരാനാവില്ലെന്നുണ്ടെങ്കില് ചിറകറ്റുവീഴാതിരിക്കാനെങ്കിലും പരിശ്രമിക്കുക. പ്രതിസന്ധി കടന്നുവരുമ്പോള് അതിനെ അവസരങ്ങളാക്കി മുതലാക്കാനുള്ള മാര്ഗങ്ങളും ഒപ്പമെത്തുന്നുണ്ട്. ലോകത്തെ ഏതു സമ്പന്ന മെട്രോയിലും ലഭിക്കുന്ന സൌകര്യങ്ങള് ഇന്നു നമ്മുടെ കൊച്ചിയിലും ലഭിക്കും. അതേ സമയം, കഴിഞ്ഞ വര്ഷം മാത്രം ഈ രാജ്യത്ത് ആത്മഹത്യ ചെയ്ത കര്ഷകര് 17,000 പേരാണ്. ഈ വൈരുധ്യം ഇന്ത്യയുടെ മാത്രം പ്രത്യേകതയാണ്. എത്ര തീവ്രമാണെന്നു പറഞ്ഞാലും ഇന്ത്യയെപ്പോലുള്ള ഒരു രാജ്യത്ത് ആഗോളപ്രതിഭാസങ്ങളുടെ സ്വാധീനത്തിന് ഒരു പരിധിയുണ്ടെന്നു വേണം കരുതാന്.<div class="blogger-post-footer"><img width='1' height='1' src='https://blogger.googleusercontent.com/tracker/6185531960018261474-3880816731754009552?l=blog.mammootty.com' alt='' /></div>മമ്മൂട്ടി :: Mammoottyhttp://www.blogger.com/profile/10547924645613182695noreply@blogger.com1091